ਪੀਐਮ ਮੋਦੀ ਨੇ ਮੁੱਖ ਮੰਤਰੀਆਂ ਦੀ ਬੈਠਕ ‘ਚ ਕੀਤਾ ‘ਲੌਕਡਾਊਨ-4’ ਦਾ ਇਸ਼ਾਰਾ??

ਲੌਕਡਾਊਨ ਦਾ ਤੀਜਾ ਪੜਾਅ 17 ਮਈ ਨੂੰ ਖਤਮ ਹੋਣ ਜਾ ਰਿਹਾ ਹੈ। ਇਸ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਸਾਰੇ ਸੂਬਿਆਂ ਦੇ ਮੁੱਖ ਮੰਤਰੀਆਂ ਨਾਲ ਕਰੀਬ ਪੌਣੇ ਛੇ ਘੰਟੇ ਮੀਟਿੰਗ ਕੀਤੀ। ਪ੍ਰਧਾਨ ਮੰਤਰੀ ਨੇ 15 ਮਈ ਤੱਕ ਸਾਰੇ ਸੂਬਿਆਂ ਤੋਂ ਬਲੂਪ੍ਰਿੰਟਸ ਮੰਗੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਅਗਲੇ ਦੋ-ਤਿੰਨ ਦਿਨਾਂ ‘ਚ ਇਸ ਸੰਬੰਧੀ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ ਜਾ ਸਕਦੇ ਹਨ। ਹਾਲਾਂਕਿ ਲੌਕਡਾਊਨ-4 ਦੀ ਅਜੇ ਘੋਸ਼ਣਾ ਨਹੀਂ ਕੀਤੀ ਗਈ ਹੈ, ਇਸ ਦੌਰਾਨ ਗੋਆ ਦੇ ਮੁੱਖ ਮੰਤਰੀ ਪ੍ਰਮੋਦ ਸਾਵੰਤ ਨੇ ਵੱਡਾ ਬਿਆਨ ਦਿੱਤਾ ਹੈ। ਪ੍ਰਮੋਦ ਸਾਵੰਤ ਨੇ ਕਿਹਾ ਹੈ ਕਿ " ਲੌਕਡਾਊਨ ਦਾ ਚੌਥਾ ਪੜਾਅ 18 ਮਈ ਤੋਂ ਸ਼ੁਰੂ ਹੋਵੇਗਾ। ਸਾਵੰਤ ਨੇ ਕਿਹਾ ਕਿ ਇਸ ਵਾਰ ਰਾਜਾਂ ਨੂੰ ਲੌਕਡਾਊਨ ਵਿੱਚ ਵਧੇਰੇ ਅਧਿਕਾਰ ਦਿੱਤੇ ਗਏ ਹਨ। "ਕੋਰੋਨਾ ਵਿਰੁੱਧ ਲ ੜਾ ਈ ‘ਚ ਜਾਨ ਹੈ, ਤਾਂ ਜਹਾਨ ਹੈ ਦੀ ਗੱਲ ਕਰਨ ਵਾਲੇ ਪ੍ਰਧਾਨ ਮੰਤਰੀ ਮੋਦੀ ਨੇ ਲੋਕ ਸੇਵਕ ਜਗ ਨੂੰ ਇਕ ਨਾਅਰਾ ਦਿੱਤਾ ਹੈ। ਲੌਕਡਾਊਨ 4 ਦਾ ਨਿਸ਼ਾਨ ਇਸ ਨਾਅਰੇ ‘ਚ ਛੁਪਿਆ ਹੋਇਆ ਹੈ।

ਕਿਸ ਤਰ੍ਹਾਂ ਦਾ ਹੋਵੇਗਾ ਲੌਕਡਾਊਨ -4? ਜਦ ਸੋਮਵਾਰ ਨੂੰ ਪ੍ਰਧਾਨ ਮੰਤਰੀ ਮੁੱਖ ਮੰਤਰੀਆਂ ਨਾਲ ਮਿਲੇ ਤਾਂ ਪ੍ਰਧਾਨ ਮੰਤਰੀ ਨੇ ਖ਼ੁਦ ਇਸ ਵੱਡੇ ਸਵਾਲ ਦਾ ਸੰਕੇਤ ਕੀਤਾ ਸੀ। ਇਸ ਬੈਠਕ ‘ਚ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਦੂਜੇ ਪੜਾਅ ਦੌਰਾਨ ਲੌਕਡਾਊਨ ਦੇ ਪਹਿਲੇ ਪੜਾਅ ‘ਚ ਲੋੜੀਂਦੇ ਉਪਾਵਾਂ ਦੀ ਲੋੜ ਨਹੀਂ ਸੀ। ਇਸੇ ਤਰ੍ਹਾਂ ਤੀਜੇ ਪੜਾਅ ‘ਚ ਲੋੜੀਂਦੇ ਉਪਾਅ ਦੀ ਚੌਥੇ ‘ਚ ਜ਼ਰੂਰਤ ਨਹੀਂ ਹੈ। ਪ੍ਰਧਾਨ ਮੰਤਰੀ ਨੇ ਮੀਟਿੰਗ ਵਿੱਚ ਜੋ ਕਿਹਾ, ਉਸ ਤੋਂ ਇਹ ਸਪਸ਼ਟ ਹੈ ਕਿ ਲੌਕਡਾਊਨ -4 ਹੋਵੇਗਾ। ਲੌਕਡਾਊਨ-4 ਦੀ ਸੰਭਾਵਨਾ ਵੀ ਵਧੇਰੇ ਹੈ ਕਿਉਂਕਿ ਬਹੁਤ ਸਾਰੇ ਮੁੱਖ ਮੰਤਰੀ ਇਸ ਦੇ ਹੱਕ ਵਿੱਚ ਹਨ। ਮੀਟਿੰਗ ਵਿੱਚ ਪ੍ਰਧਾਨ ਮੰਤਰੀ ਦੇ ਬਿਆਨ ਬਾਰੇ ਵੱਡੀਆਂ ਗੱਲਾਂ: ਸਾਰੇ ਰਸਤੇ ਦੁਬਾਰਾ ਸ਼ੁਰੂ ਨਹੀਂ ਕੀਤੇ ਜਾਣਗੇ, ਸਿਰਫ ਸੀਮਿਤ ਗਿਣਤੀ ‘ਚ ਟਰੇਨਾਂ ਚੱਲਣਗੀਆਂ, ਇਲਾਜ ਤਕ ਸਭ ਤੋਂ ਵੱਡਾ ਹਥਿਆਰ ਸਮਾਜਕ ਦੂਰੀ ਹੈ, 15 ਮਈ ਤੱਕ ਸਾਰੇ ਸੂਬੇ ਬਲੂਪ੍ਰਿੰਟਸ ਦੇਣ। ਪ੍ਰਧਾਨ ਮੰਤਰੀ ਦੇ ਬਿਆਨ ਦੇ ਸੰਕੇਤਾਂ ਨੂੰ ਸਮਝੀਏ ਅਤੇ ਲਾਗ ਦੀ ਗਤੀ ਬਹੁਤ ਤੇਜ਼ੀ ਨਾਲ ਨਹੀਂ ਵਧਦੀ ਤਾਂ ਲੌਕਡਾਊਨ 17 ਮਈ ਤੋਂ ਬਾਅਦ ਜਾਰੀ ਰਹਿ ਸਕਦੀ ਹੈ, ਲੌਕਡਾਊਨ-4 ਵਧੇਰੇ ਛੂਟ ਪ੍ਰਾਪਤ ਕਰ ਸਕਦਾ ਹੈ, ਆਰਥਿਕ ਗਤੀਵਿਧੀ ਵਧ ਸਕਦੀ ਹੈ, ਸੂਬਿਆਂ ਨੂੰ ਲੌਕਡਾਊਨ ਵਿੱਚ ਵਧੇਰੇ ਫੈਸਲਾ ਲੈਣ ਦੀਆਂ ਸ਼ਕਤੀਆਂ ਮਿਲ ਸਕਦੀਆਂ ਹਨ।