ਗੈਸ ਸਿਲੰਡਰ ਇਕੱਠਾ ਹੀ ਐਨ੍ਹੇਂ ਰੁਪਏ ਸਸਤਾ! ਇਸ ਤਰ੍ਹਾਂ ਕਰੋ ਬੁਕਿੰਗ

ਇੰਡੀਅਨ ਗੈਸ ਏਜੰਸੀ ਨੇ ਟਵੀਟ ਕਰਕੇ ਗਾਹਕਾਂ ਨੂੰ ਜਾਣਕਾਰੀ ਦਿੱਤੀ ਹੈ। ਸਰਕਾਰੀ ਤੇਲ ਵਾਲੀ ਕੰਪਨੀ ਇੰਡੇਨ ਨੇ ਇੱਕ ਟਵੀਟ ਵਿਚ ਲਿਖਿਆ ਕਿ ਐਲ.ਪੀ.ਜੀ. ਖਪਤਕਾਰ ਹੁਣ ਐਮਾਜ਼ੋਨ ਪੇ ਰਾਹੀਂ ਐਲ.ਪੀ.ਜੀ. ਸਿਲੰਡਰ ਬੁੱਕ ਕਰਵਾ ਸਕਦੇ ਹਨ ਅਤੇ ਇੰਡਲ ਰਿਫਿਲਸ ਲਈ ਆਨਲਾਈਨ ਭੁਗਤਾਨ ਵੀ ਕਰ ਸਕਦੇ ਹਨ। ਇਸਦੇ ਨਾਲ ਕੰਪਨੀ ਨੇ ਕਿਹਾ ਕਿ ਗਾਹਕਾਂ ਨੂੰ ਪਹਿਲੀ ਵਾਰ ਐਮਾਜ਼ੋਨ ਪੇ ਜ਼ਰੀਏ ਬੁਕਿੰਗ ਕਰਨ ਅਤੇ ਸਿਲੰਡਰ ਦਾ ਭੁਗਤਾਨ ਕਰਨ ਲਈ 50 ਰੁਪਏ ਦਾ ਕੈਸ਼ਬੈਕ ਦਿੱਤਾ ਜਾਵੇਗਾ। ਕੰਪਨੀ ਨੇ ਕਿਹਾ ਕਿ ਇਹ ਕੈਸ਼ਬੈਕ ਸਿਰਫ ਇਕ ਵਾਰ ਲਈ ਹੈ। 

ਪਹਿਲੀ ਬੁਕਿੰਗ 'ਤੇ ਗਾਹਕਾਂਂ ਨੂੰ ਇਹ ਕੈਸ਼ਬੈਕ ਸਹੂਲਤ ਮਿਲੇਗੀ। ਇਸਦੇ ਛੋਟ ਦਾ ਲਾਭ ਲੈਣ ਲਈ ਤੁਹਾਨੂੰ ਐਮਾਜ਼ੋਨ ਐਪ ਦੇ ਭੁਗਤਾਨ ਵਿਕਲਪ 'ਤੇ ਜਾਣਾ ਪਏਗਾ। ਇਸ ਤੋਂ ਬਾਅਦ ਆਪਣੇ ਗੈਸ ਸੇਵਾ ਪ੍ਰਦਾਤਾ ਦੀ ਚੋਣ ਕਰੋ ਅਤੇ ਆਪਣਾ ਰਜਿਸਟਰਡ ਮੋਬਾਈਲ ਨੰਬਰ ਜਾਂ ਐਲ.ਪੀ.ਜੀ. ਗੈਸ ਨੰਬਰ ਇੱਥੇ ਭਰੋ। ਇਥੇ ਤੁਹਾਨੂੰ ਅਮੇਜ਼ਨ ਪੇ ਦੁਆਰਾ ਭੁਗਤਾਨ ਕਰਨਾ ਪਏਗਾ।ਇੰਡੀਅਨ ਆਇਲ ਨੇ ਦੱਸਿਆ ਕਿ ਪਹਿਲਾਂ ਐਲ.ਪੀ.ਜੀ. ਦੀ ਬੁਕਿੰਗ ਲਈ ਦੇਸ਼ ਦੇ ਵੱਖ-ਵੱਖ ਸਰਕਲਾਂ ਲਈ ਵੱਖਰੇ ਮੋਬਾਈਲ ਨੰਬਰ ਸਨ। ਹੁਣ ਦੇਸ਼ ਦੀ ਸਭ ਤੋਂ ਵੱਡੀ ਪੈਟਰੋਲੀਅਮ ਕੰਪਨੀ ਨੇ ਸਾਰੇ ਸਰਕਲਾਂ ਲਈ ਇਕੋ ਨੰਬਰ ਜਾਰੀ ਕੀਤਾ ਹੈ, ਇਸਦਾ ਅਰਥ ਹੈ ਕਿ ਇੰਡੇਨ ਗੈਸ ਦੇ ਗਾਹਕਾਂ ਨੂੰ ਦੇਸ਼ ਭਰ ਵਿਚ ਐਲ.ਪੀ.ਜੀ. ਸਿਲੰਡਰ ਬੁੱਕ ਕਰਨ ਲਈ 7718955555 ਨੰਬਰ 'ਤੇ ਕਾਲ ਜਾਂ ਐਸ.ਐਮ.ਐਸ. ਕਰਨਾ ਪਏਗਾ।

ਇੰਡੀਅਨ ਨੇ ਐਲ.ਪੀ.ਜੀ. ਖਪਤਕਾਰਾਂ ਲਈ ਗੈਸ ਸਿਲੰਡਰ ਬੁਕਿੰਗ ਲਈ ਨਵਾਂ ਨੰਬਰ ਜਾਰੀ ਕੀਤਾ ਹੈ। ਐਲ.ਪੀ.ਜੀ. ਗਾਹਕਾਂ ਨੂੰ ਉਨ੍ਹਾਂ ਦੇ ਰਜਿਸਟਰਡ ਮੋਬਾਈਲ ਨੰਬਰ 'ਤੇ ਗੈਸ ਦੀ ਬੁਕਿੰਗ ਲਈ ਨਵਾਂ ਨੰਬਰ ਭੇਜਿਆ ਗਿਆ ਹੈ। ਇਸ ਦੇ ਜ਼ਰੀਏ ਤੁਸੀਂ ਗੈਸ ਰੀਫਿਲ ਲਈ ਸਿਲੰਡਰ ਬੁੱਕ ਕਰ ਸਕਦੇ ਹੋ। ਇੰਡੀਅਨ ਆਇਲ ਦੁਆਰਾ ਜਾਰੀ ਕੀਤਾ ਗਿਆ ਇਹ ਫੋਨ ਨੰਬਰ ਪੂਰੇ ਦੇਸ਼ ਦੇ ਇੰਡੇਨ ਦੇ ਖਪਤਕਾਰਾਂ ਦੇ ਗੈਸ ਬੁਕਿੰਗ ਲਈ ਵਰਤਿਆ ਜਾ ਸਕਦਾ ਹੈ।