ਕਿਸਾਨਾਂ ਵੱਲੋਂ ਟਾਵਰ ਬੰਦ ਕਰਨ ਤੋਂ ਬਾਅਦ ਜੀਓ ਨੇ ਲਾਈ ਨਵੀਂ ਸਕੀਮ, 1 ਜਨਵਰੀ ਤੋਂ ਕਰਤਾ ਐਲਾਨ

ਕਿਸਾਨ ਅੰਦੋਲਨ ਕਰਕੇ ਬੁਰੀ ਤਰ੍ਹਾਂ ਪ੍ਰਭਾਵਿਤ ਰਿਲਾਇੰਸ ਜੀਓ ਨੇ ਹੁਣ ਵੱਡਾ ਐਲਾਨ ਕੀਤਾ ਹੈ।ਰਿਲਾਇੰਸ ਜੀਓ ਕੰਪਨੀਇਕ ਵਾਰ ਫਿਰ ਵੌਇਸ ਕਾਲਾਂ ਨੂੰ ਬਿਲਕੁੱਲ ਮੁਫ਼ਤ ਕਰਨ ਜਾ ਰਹੀ ਹੈ। ਜੀਓ ਦੇ ਗਾਹਕ 1 ਜਨਵਰੀ 2021 ਤੋਂ ਆਪਣੇ ਫੋਨ ਤੋਂ ਮੁਫਤ ਵੌਇਸ ਕਾਲ ਕਰ ਸਕਣਗੇ। ਹੁਣ ਜਿਓ ਗਾਹਕਾਂ ਨੂੰ ਨਵੇਂ ਸਾਲ ਤੋਂ ਕਿਸੇ ਵੀ ਨੈਟਵਰਕ ‘ਤੇ ਕਾਲ ਕਰਨ ਲਈ ਭੁਗਤਾਨ ਨਹੀਂ ਕਰਨਾ ਪਏਗਾ। ਇਹ ਸਹੂਲਤ ਦੇਸ਼ ਭਰ ਦੇ ਕਿਸੇ ਵੀ ਖੇਤਰ ਲਈ ਹੋਵੇਗੀ। ਇਸ ਵੇਲੇ ਆਈਯੂਸੀ ਸਿਸਟਮ ਗਾਹਕਾਂ ਨੂੰ ਆਫ-ਨੈੱਟ ਵੌਇਸ ਕਾਲਾਂ ਲਈ ਪੈਸੇ ਖਰਚਣੇ ਪੈਂਦੇ ਸਨ। ਇਹ 1 ਜਨਵਰੀ 2021 ਤੋਂ ਸਾਰੀਆਂ ਕਾਲਾਂ ਮੁਫਤ ਕਰ ਦਿੱਤੀਆਂ ਜਾਣਗੀਆਂ।

ਅਜਿਹੀਆਂ ਸੇਵਾਵਾਂ ‘ਤੇ ਇੰਟਰਕਨੈਕਟ ਵਰਤੋਂ ਚਾਰਜ ਭਾਵ IUC ਖਤਮ ਹੋ ਗਈ ਹੈ। ਰਿਲਾਇੰਸ ਜਿਓ ਨੇ ਵੀਰਵਾਰ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ। ਕੰਪਨੀ ਨੇ ਇਕ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਪੂਰੀ ਤਰ੍ਹਾਂ ਮੁਫਤ ਆਫ-ਨੈੱਟ ਘਰੇਲੂ ਕਾਲਾਂ ਪ੍ਰਤੀ ਵਚਨਬੱਧਤਾ ਦਾ ਸਨਮਾਨ ਕੀਤਾ ਜਾਵੇਗਾ। ਘਰੇਲੂ ਵੌਇਸ ਕਾਲਾਂ ਆਈਯੂਸੀ ਦੇ ਖ਼ਤਮ ਹੋਣ ਤੋਂ ਬਾਅਦ ਮੁਫਤ ਕੀਤੀਆਂ ਜਾਣਗੀਆਂ। ਦੱਸ ਦੇਈਏ ਕਿ ਸਤੰਬਰ 2019 ਵਿੱਚ ਭਾਰਤੀ ਦੂਰਸੰਚਾਰ ਰੈਗੂਲੇਟਰੀ ਅਥਾਰਟੀ (TRAI) ਨੇ ਆਈਯੂਸੀ ਨੂੰ ਮੋਬਾਈਲ-ਟੂ-ਮੋਬਾਈਲ ਕਾਲਾਂ ਲਈ ਜਨਵਰੀ 2020 ਦੇ ਅੰਤ ਤੱਕ ਵਧਾ ਦਿੱਤਾ ਸੀ। ਇਸਦੇ ਬਾਅਦ, ਜੀਓ ਨੇ ਆਪਣੇ ਗਾਹਕਾਂ ਨੂੰ ਆਫ-ਨੈੱਟ ਵੌਇਸ ਕਾਲਾਂ ਲਈ ਚਾਰਜ ਕਰਨਾ ਸ਼ੁਰੂ ਕਰ ਦਿੱਤਾ। ਹਾਲਾਂਕਿ ਜੀਓ ਦੁਆਰਾ ਲਗਾਏ ਗਏ ਚਾਰਜ ਆਈਯੂਸੀ ਚਾਰਜ ਦੇ ਬਰਾਬਰ ਸਨ।